بوابة الإنترنت الدولي
أهلا وسهلا بك اخي الحبيب واختي العزيزة ,
اخوتكم / -D√−ـ‗ـ إدارة الموقع ـ‗ـ−√R-
* ترحب بكم * ببوابة الإنترنت الدولي
اخي العزيز لم تقم بتسجيل الدخول بعد!
اذا اردت المشاركة يشرفنا أن تقوم بالدخول أو التسجيل بمنتدانا المتواضع
والذي يهدف إفادتكم في عدة مجالات وخاصة التعامل الصحيح مع التقنية الحديثة

بوابة الإنترنت الدولي

أهداف بوابة الإنترنت الدولي الأساسية رفع مستوى الثقافة لدى المتصفح علميا وأدبيا ودينيا وتقنيا
 
الرئيسيةالتسجيلس .و .جبحـثدخول

شاطر | 
 

 الفرق بين كمبيوتر البنت وكمبيوتر الولد

اذهب الى الأسفل 
كاتب الموضوعرسالة
إحساس
مشرف قسم تطوير الذات والشعر والخطواطر
مشرف قسم تطوير الذات والشعر والخطواطر
avatar

الساعة اللآن :

الجنس : ذكر
عدد الرسائل : 112

السٌّمعَة : 0
تاريخ التسجيل : 13/10/2008

مُساهمةموضوع: الفرق بين كمبيوتر البنت وكمبيوتر الولد   الإثنين فبراير 06, 2012 7:53 pm

الفرق بين كمبيوتر البنت وكمبيوتر الولد !!
----------------------------------------------

اولا جهاز البنت ليدز فرست

...من النظرة الاولى من بعيد للشكل العام للجهاز
تلاقى الجهاز نضيف ومرتب وحواليه دباديب او عرايس او لعبها وتلاقيها لازقة عليه صور فراشات او صور رقيقة وقلوب وحجات كلها دلع ورقة وتلاقى كرسيها نضيف وسليم وشكلة حلو ومحطوط بشكل صحيح ادام المكتب
تفتح الجهاز تلاقى صوت نغمة رقيقة مع فتح الجهاز وحاطة خلفية صورة رقية شخصية ليها او صورة بنت جميلة او وردة
تقلب فى الملفات تلاقى اسماء الملفات عندها جميلة زى
صور اطفال
صور فساتين
صور موضة
صور تامر حسني
افلام رومانسية
اغانى عاطفية

تفتح الهيستورى بتاع الجهاز تلاقيها كانت مشغلة حجات زى
فيلم تيتانيك
مواقع نكت
موقع مزيكا تو داي
مواقع موضة
اغنية تملى معاك
اغنية حاسس بخوف
اغنية بهواك
مواقف كوميدية

تفتح الميل بتاعها تلاقيها حاطة نك نيم رقيق زى
بنوتة شقية
دلع
حبوبة
حب عمرى

لو دققت شويه فى تاريخ تسطيب الويندوز ممكن تلاقى الويندوز شغالة معاها من حوالى 7 او 8 شهور متغيرتش
ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس شت دوان وتسمع نغمة رقيقة
والجهاز بيقفل

-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

نخش على اجهزة التماسيح
من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة ومطلعينه من ترعة فيها صرف صحي
تلاقى الكيس مفتح من كل ناحية وفيها خروم غريبة ولو بصيت جواها تلاقى فيها حجات ومواد غريبة غالبا ممكن تكون مشتعلة وملهاش اى علاقة بالجهاز
وتلاقى الهارد متعلق زى الدبيحه من السلك بتاعه ومتعرفش لية
وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم ميه
وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحدو
الشاشة ممكن متلاقيش قعدتها اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطفاية فى كل حته من الجهاز
وتلاقى الكى بورد سلكها ملحم فى بعضه وزرار الانتر وبعض الازرار المهمة غالبا مش هتلاقيها
وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس
تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم فى بعض عشان الجهاز يشتغل زى عربيات مكروباص الترامكو
يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة
تعدى كل ده وتبتدى الويندوز تفتح تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو ينزلو نسخ للشرق الاوسط تانى
تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية
الى جاية من عالم غريب

تدخل تقلب فى الملفات تلاقى اسماء الملفات غريبة وعجيبة
دحدح
بتنجانة
صور حوادث
مصارعة
و 70% من الملفات هتلاقيها تحت سلسلة اسماء
New Folde11
New Folde12
New Folde13
New Folde14
الى ما لا نهاية

تفتح الهيستورى بتاعه تلاقى اخر حجات شغلها زى
ساو 3
ديد سيلنت
اغنية البلح البلح
اغنية كوكا كوكا كوكا كوكا
حجرين علي الشيشه مع توتو السبع ويجا اه ياني ياني ياني
صور مصارعين
موقع كيفية تبقي هاكر صحيح

تفتح الميل بتاعه تلاقيه حاطط نك نيم يرعب البنات
الشيطان 10
البجح
سفاح المعيز
عاشق الاكتئاب
كمبورة
عاشق الموت

لو دققت فى تاريخ تسطيب الويندوز ممكن تلاقيه مسطبها قبل متيجى بساعة وربع
ولما يجى يطفى الجهاز لو فاتح ايه ميقفلهمش واحده واحده لا شد الكابل على طول من غير تفاهم اكنه بيعزب كافر
لانه طبعا ميعرفش حاجة اسمها امر شود داون shut down
الرجوع الى أعلى الصفحة اذهب الى الأسفل
 
الفرق بين كمبيوتر البنت وكمبيوتر الولد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بوابة الإنترنت الدولي :: بوابة اللإنترنت للتقنية الدولية :: منتدى الألعاب والتسالي-
انتقل الى: